بادرود،بادرود اگئله

آوادی امه نزن نبو

ای دو سالی یه که نین آوادی رنگ وروی آوادی قدیم مون ندره . اخو اچ چیا دء نمدی یاوئه برء اوسینیه پلمب گءله ، اچ چیا دء نمدی یاوئه علامت اوسینیه بازداشتش کرن –اچ چیا  دء نمدی یاووئه بخاطر امام أوسین چند نفر در حد مرگ دء کلیا کودن، اچ چیا دونیا قد دء امه دء نقده نامو بر علیه هیا نانویسن ، اچ چیا دونیا دء تعداد کمی مردوم نسنجیده کار وبارشون ول ناکرن هر رو نین اداره به نون اداره بشن وبرعلیه کارمند جزء ادارون گرفته تا رئیسش دء درکودن ، کیا دء سوراغ داری ای ورزشگا هه 200 نفری ورزشش وء تموشاگر اجرا گءله ؟ کیادء سوراغ داری مردم بخاطر نین که ای نفر وکیل نگله (دقت کری وکیل نگله نه نین که وکیل گله) از در ودیوار مردم دء بالا شئن و دکون وکدو اتش کودءن ،ونینه داستان دء امه که ای دو سالیه نین خوره دء جونش واودء . بعضیا نه تنها دس ای آدومی که مفت ومجانی داره واسئشون را اوزه ناگیرن بلکه تا بلد بئن پا دء گءل پاش انئن تا بلکه با کله دء زمین که .انده هه که  نین آوادی بادرود امه ای گوردش اپیه ای منجی که بیه مردوم از دس هف هشت نفری  که نافومئن نجاتشون آدا .شمه بئوجی جرم مردمی عادی چی یه که گرفتار نیمو سیاسیو گئلاوئن که با نین اختلاف فیسامونشون نه درد خوشون بخردن نه درد مردم وآوادی . خودا خو نیمه به راه راس ادایتشون کره وسر عقلشون تورء