در باب روجنامه دور وجینون

اَم وٌوت   اَشووٌت

معرفت در گرانیست به هرکس ندهند

اَم ووت : روجنامه دء د آرخوندَه؟

اَشووت: نوچ، کٌدوم روجنامَه؟

اَم ووت : اَوجن اِسمِش مَهرِِفَته

اشووت: مگه چیچیش بَلویساوٌوئه؟

اَم ووت: هرکین آرِش خوندَء اَشوو پیف

اَشووت :خاب مَثَلَن چیچیش بَنویساوٌوئه؟

اَمووت : بَشنِوِشتَه بانی جَشنواره اَنار دِء ،عضو سابق شوورای شهر، بِئدَه که با عَناصٌر تاغوت رابطه داره و هَدفِش اَز نین که چَن ساله جَشن اَگیره اَشییه اِسم نیمین زَندَه واکِرَه وَ نین میرَه رو نین جَشنِئدِه بَشجِدَه وبَر قصاووئو و فَرهنگ لا اٌبالی گَری ومِلی گَریش گٌوستَرِش بَداووئه. 

اَشووت: کیه که نینن رٌوجنامَه اَنویسه؟

اَمووت : خاب مَعلیمه کیه که هَمٌوش ،کارشٌون اِختِلاف رو نین آوادی، فیسَنَه ومَردم دِء جونیاشون وِزینامٌون فَقَت دَر تَخَصٌص نیمینَه. 

اَشووت :مَگه پِه خٌودا بیامورزش که ای رو بَعد اَز تٌوزیع فَله ای نین روجنامه بَمَرد، مَگه خٌو بیمه خَیرأوا یِ نیمِه طاغوتی نَبو؟

مَگه نَزونِه نٌون رٌوج کِه تیمسارشٌون بَمَرد حَلوا عَزاش کیادء بَشون پا؟

مَگه نیمه تا پَئرا که رو کینِ همین نین تاغوتیه دء اشونخَه نَشون زونا میره سَلطنت طَلبَه یا نٌون وَقت که

رٌوجیشون نیادِ قَط گِئلا میره سَلطنت طَلب گِئلا؟

مگه بَعد اَز نین کِه رٌوجنامَشون بَنوِشت نَزونه نَقدِه رویشون دَء که زَنگِش دَرخٌوسِه بٌو به مَسئول خَیراِوایِ تاغوتی کِه چِرا نَمده ای، تیٌوم خیال گٌلخٌونه دون وَرِء اَمئده بَرینه؟

اَم ووت:خٌودا پِشون بیامٌورزدِش کِه جَواز نین روٌجنامَش او نیمین دا وَ سایت بی بیسیش کَشف کَه تا هَمو مَردٌومِ آوادی بَفٌومِن کی دارَه پِه صَبِ نین آوادی بَرءِش اَتوره  

اَشووت : وِل کِه مَگه نَدفوماوئَه قَدیمیوٌ اَوجِن «اَگِه بٌونا بٌو هَر خَری بَگٌو....، پَنبه وَرء کین... مٌولِه ،اَبی پَنبه گیر نایه»؟؟؟